Heart Disease: సోమయ్య 45 ఏళ్ల వయసు రైతు. తనకున్న చిన్న పొలంలో కష్టించి పనిచేసి కుటుంబాన్ని పోషించుకుంటున్నారు. అతని ఇద్దరు పిల్లలు గ్రామంలోని స్కూల్లో చదువుకుం టున్నారు.
చిన్నప్పటి నుండి తన చేతులు నీలగా ఉండటం, శ్రమ చేసినప్పుడు పెదవులు నీలంగా మారటం గమనించాడు. ఏదో తేడా వుందనుకున్నారే గాని దాని గురించి అతని తల్లి దండ్రులు అంతగా పట్టించుకోలేదు. ఇతర పిల్లలతో కలిసి ఆడుకునేటప్పుడు త్వరగా అలిసి పోయేవాడు. తాను బలహీనుడనని అందుకే మిగిలిన వారిలాలేనని అనుకునేవాడు.
యవ్వనం, వైవాహిక జీవితం ఎలాంటి ఇబ్బందులు లేకుండానే గడిచిపోయింది. ఆరు నెలల క్రితం తనలో వచ్చిన మార్పును గమనించాడు. సాధారణ పనులు చేస్తున్నా రొప్పుతున్నాడు. శ్వాస అందడం కష్టంగా ఉంది. పొలానికి వెళ్లాలంటే రెండు మూడుసార్లు మధ్యలో ఆగి వెళుతున్నాడు. పనిసరిగా చెయ్యలేకపోతున్నాడు.
సాయంత్రం వెనక్కి నడచి రావడం మరీ కష్టంగా ఉంది. అలా తినగానే ఇలా నిద్రపోతున్నాడు. ఇక ఆ నీరసం భరించలేక గ్రామంలో ఉన్న ఆర్.ఎం.పి డాక్టర్ దగ్గరకు వెళ్లాడు. అది మామూలు నీరసం అని చెప్పి విటమిన్స్తో కూడిన ఇంజక్షన్స్ ఇచ్చాడు. దాని వలన పెద్దగా మార్పు రాలేదు.
Heart Disease: బయటపడ్డ గుండెజబ్బు
ఒక రోజు పనిమీద పట్టణం వెళ్లినప్పుడు అక్కడ హాస్పిటల్ వారు ఆరోగ్య శిబిరం, ముఖ్యంగా గుండె జబ్బులు కనుగొనే లక్ష్యంగా నిర్వహించటం కనిపించింది. నగరం నుండి వచ్చిన వైద్యులకు తన సమస్య చెబితే జబ్బు ఏమిటో కనుక్కుంటారనే నమ్మకంతో శివిరానికి వెళ్లాడు.
శిబిరంలో అడుగు పెట్టగానే ఒక యువవైద్యుడు సాధారణ పరీక్షలు నిర్వహించాడు. వైద్యుడి ముఖంలో ఆశ్చర్యం కనిపించింది. వెంటనే సోమయ్యను క్యాంప్లో ఉన్న సీనియర్ డాక్టర్ (senior doctor) దగ్గరకు తీసుకువెళ్లారు.
సీనియర్ డాక్టర్ సోమయ్యను చూడటంతోనే నీకు ఇకోకార్డియో గ్రామ్ అవసరమన్నాడు. అక్కడికక్కడే స్కానింగ్ చేశారు. మరికొన్ని పరీక్షల తర్వాత డాక్టర్ గారు సోమయ్యను కూర్చోబెట్టి అతని అనారోగ్య సమస్య ఏమిటో వివరించాడు. సోమయ్యకు పుట్టకతోనే గుండె (Heart Disease) లో రంధ్రం వుందని, దానివలన శుద్ధరక్తం, మలిన రక్తం కలిసి పోతున్నాయి.
ఊపిరితిత్తులకు వెళుతున్న నాళాలు మరీ సన్నవిగా ఉన్నాయి. ఇటువంటి పరిస్థితిని వైద్యపరిభాషలో టేట్రాలజీ ఆఫ్ ఫాలట్ అంటారని, ఈ సమస్య ఈ వయసు వరకు గుర్తించక పోవటం అసాధారణమని వివరించారు.
సాధారణంగా ఈ సమస్య 3 నెలల నుండి 5 ఏళ్ల వయసులోనే గుర్తించి ఆపరేషన్ చెయ్యక పోతే పిల్లలు బతకరు.ఆపరేషన్జరగకుండా 40ఏళ్ల వరకు జీవించడం చాలా అరుదుగా జరుగుతుంది. కాబట్టి సోమయ్య హాస్పిటల్కి వచ్చి,మరికొన్ని వైద్యపరీక్షలు చేయించుకుని, ఆపరేషన్ చేయించుకోవడం మంచిదని సలహా ఇచ్చారు. అది విన్న సోమయ్య ఖిన్నుడయ్యాడు.
తానిక బతకనేమోనని తాను లేకుండా తన కుటుంబం ఏమవుతోందనన్న భయం అతన్ని ఆవహించింది. అయితే ఇతర వైద్యులను సంప్రదించిన తర్వాత తన అనారోగ్య సమస్యకు ఆపరేషన్ ఒక్కటే మార్గమనే నిర్ణయానికి వచ్చాడు సోమయ్య.
నాలుగైదు రోజుల ఆలోచన, సంప్రదింపుల తర్వాత చివరికి సోమయ్య ఆరోగ్యశ్రీ పథకం కింద ఆపరేషన్కి హాస్పిటల్లోకి చేరాడు. శుద్ధ, మలిన రక్తాలు కలుస్తున్న కారణాన సోమయ్య రక్తం మరింత చిక్కబడింది. కాబట్టి వైద్యుల కొంతమేర రక్తం తొలగించి సాధారణ స్థాయికి తీసుకు రావాల్సి వచ్చింది.
ఆపరేషన్ చేసి గుండెలోని రంధ్రాన్ని పూడ్చగలిగారు. కాని ఊపిరితి త్తులకు వెళ్లే రక్తణాళాలు మరీ సన్నగా వున్నాయి బాగా దెబ్బతిన్నాయి. దానికీ వున్న ఏకైక పరిష్కారం ఒక కొత్త కృత్రిమ కవాటం దానిస్థానంలో ఏర్పాటు చేయడం.
ఇది అత్యంత అరుదైన ఆపరేషన్ (operation) ప్రపంచలోనే అతితక్కువ సంఖ్యలో జరిగినటు వంటిది. అయినా ఈ ఆపరేషన్చేసి తీరాలనే నిర్ణయం తీసుకున్నారు.
ఎంతో పకడ్బందీ పథకంతో ఒక కొత్త కవాటం, అతని వయసుకి తగినటువంటి సరైన సైజులోని కృత్రిమ నాళం ఎంపిక చేసుకుని అమర్చటం జరిగింది. ఆపరేషన్ తర్వాత సోమయ్య త్వరగానే కోలుకున్నాడు. పదిరోజులు ఆసుపత్రిలో వున్న తర్వాత తిరిగి ఇంటికి వెళ్లిపోయాడు.
ఈ కేసు వైద్యశాస్త్రానికీ కనువిప్పు, పుట్టినప్పుడే ఉన్న గుండెసమస్యలు (Heart Disease) మరియు సాధారణ ప్రజలకి 40-50 ఏళ్ల వయసు వచ్చేవరకు కూడా వుండవచ్చని తేల్చినది. సోమయ్య కేసు ద్వారా సంక్లిష్ట శస్త్ర చికిత్సలను కూడా చేసి సత్ఫలితాలను రాబట్టవచ్చని నిరూపించబడింది.
గుండె జబ్బులకు సంబంధించి ఎవరైనా ఆపరేషన్కి సంశయించనవసరం లేదని కూడా తెలుస్తుంది సోమయ్య తన పొలం పనులు తాను చేసుకుంటూ అనారోగ్యంతో, ఆనందంగా వున్నాడు. గతంలో కన్నా మరింత శ్రమచేస్తూ సాధారణ జీవితం గడుపుతున్నాడు.
0 Comments