Office Plants : ఆఫీసుల్లో ఆరోగ్యాన్నిచ్చే మొక్క‌లు

Office Plants: ప్ర‌కృతి ప్ర‌సాదించిన ప‌చ్చ‌ద‌నం మాన‌వ చ‌ర్య‌ల వ‌ల్ల త‌రిగిపోతుంది. ఫ‌లితంగా వాతావ‌ర‌ణం క‌లుషిత‌మైపోతోంది. దీంతో మ‌నుషులు అనేక ర‌కాల అనారోగ్యాల‌కు లోన‌వు తున్నారు. నాలుగు గ‌దుల మ‌ధ్య ఆఫీసుల్లో ఎక్కువ స‌మ‌యం గడిపేవారు కాలుష్యాల వ‌ల్ల త్వ‌ర‌గా అల‌సిపోతారు. మ‌న‌స్స‌, శ‌రీరం ఆరోగ్యంగా ఉంటేనే అన్ని ప‌నులు స‌జావుగా చేసుకునేందుకు అవ‌కాశం క‌లుగుతుంది. 

ఆఫీసు (Office) లో మ‌న‌స్సుకు ఆహ్లాదం ఉత్తేజం క‌లిగించేందుకు ప‌చ్చ‌ని మొక్క‌లు, పుష్పాలు అని అందించే సువాస‌న‌లు ఎంత‌గానో ప్ర‌యోజ‌నం క‌లిగిస్తాయి. బ‌య‌టి వాతావ‌ర‌ణం కంటే ఆఫీసుల్లో స‌రైన గాలి, వెలుతురు రాక‌పోవ‌డం వ‌ల్ల కాలుష్యం 5 రెట్లు పెరుగుతుంద‌ని న్యూయా ర్క్‌కు చెందిన ఇంటిగ్రేటివ్ మోడిసిన్ ఫిజియ‌న్ జేమ్స్ డిల్లార్డ్‌. ప్లాంట్స్ వై.యు కెనాట్ లివ్ విత డెమ్ పుస్త‌క ర‌చ‌యిత బిల్ ఓల్వ్ ట‌ర్న్‌లు తెలియ‌జేస్తున్నారు. ఐతే ఏ మొక్క‌లైతే ఎక్కువ ఉప‌యోగంగా ఉంటాయో వారు వివ‌రించారు. (video link)

Office Plants: ఏ మొక్క‌లు పెంచుకోవాలి?

ఏవి ఎంచుకోవాల‌నేది అనేక అంశాల‌పై ఆధార‌ప‌డి ఉంటుంది. గ‌దిలోకి సూర్య‌కిర‌ణాలు, వెలుతురు ఏ మేర‌కు వ‌స్తుంది. గ‌దిరంగు త‌దిత‌ర అంశాల‌ను ప‌రిశీలించి నిర్ణ‌యించుకోవాల‌ని సూచిస్తున్నారు. మొక్క‌ల పెంప‌కం (Office Plants) కేంద్రానికి వెళ్లి మ‌న‌కు కావాల్సిన మొక్క‌ల‌ను ఎంచుకొని ఆఫీసుల్లో కుండీల‌లో పెంచుకోవ‌డం ద్వారా ప‌చ్చ‌ద‌నం నింపుకోవాలి. ఏఏ మొక్క‌లు ఉప‌యోగంగా ఉంటాయో చూద్ధాం. 

అరిక‌పామ్ (పోక‌మొక్క‌) :

ఈ మొక్క (Arica Palm) 5 అడుగుల వ‌ర‌కు పెరుగుతుంది. కాండాలు ఎంత పొడ‌వుగా ఉంటాయో దీని వ‌ల్ల అర్థ‌మ‌వుతుంది. దాదాపు 60 ప‌చ్చ‌ని ఆకుల‌తో కూడిన కొమ్మ‌లు ఈ మొక్క‌కు పెరుగుతాయి. ప్ర‌త్యేకించి ఈ ఆకులు గాలి ద్వారా వ‌చ్చే రేణువుల‌ను పీల్చుకుంటాయి. ఫ‌లితంగా గాలిలో ధూళిరేణువుల వ‌ల్ల క‌లిగే అనారోగ్యం నుంచి కాపాడుకోవ‌చ్చు.

పుదీన‌:  పుదీన ఆకు మ‌న‌కు బాగా తెలిసిందే. ఈ ఆకును మ‌నం అనేక వంట‌కాల్లో ఉప‌యోగిం చుకుని శారీర‌క ఆరోగ్యాన్ని పెంచుకుంటాము. పుదీన‌తో చ‌ట్నీ చేసుకుని ఆర‌గించి ఆనందిస్తాము. పుదీన ఆకుల నుంచి వ‌చ్చే సువాస‌న జాగ‌రూక‌త‌ను, జ్ఞాప‌క‌శ‌క్తిని పెంచుతుంది. ఆక‌లి మంద‌గించి న‌ప్పుడు పుదీన‌తో వంట‌కం ఆక‌లిని పుట్టిస్తుంది. పుదీన చ‌ట్ని, పొడ‌లాంటివి చేసుకొని ఎంతో ప్ర‌యోజ‌నం పొంద‌వ‌చ్చు. ఆఫీసుల్లో పుదీన మొక్క‌ల‌ను పెంచ‌డం వ‌ల్ల గ‌ది అంతా సువాస‌న‌తో నింపుకోవ‌చ్చు. ఇది ఎత్తు పెర‌గ‌దు.

ఇంగ్లీషు ఐవి (ఒక విధ‌మైన తీగ‌) : 

ఈ మొక్క తీగ‌లాగా ఉండి చివ‌ర ఆకులుంటాయి. ఆఫీసుల్లో ప్ర‌త్యేకించి వివిధ ర‌కాల ఫ్యాక్ట‌రీల్లో యంత్రాలు విడుద‌ల చేసే కాలుష్యం, ధూళి రేణువులు త‌ల‌నొప్పిని, తీవ్ర అల‌స‌ట‌ను క‌లిగిస్తాయి. ఈ మొక్క అలాంటి కాలుష్యాల‌ను, అలాగే జ్వ‌లిత‌గుణం గ‌ల ర‌సాయినాల స‌మ్మేళ‌నాల‌ను కూడా పీల్చుకుంటుంద‌ని జార్జియా యూనివ‌ర్శిటీ శాస్త్ర‌వేత్త‌లు ప‌రిశోధ‌న‌లు జ‌రిపి వెల్ల‌డించారు.

లెమ‌న్ బామ్ (lemon) :

లెమ‌న్ బామ్ (నిమ్మ‌) నుంచి వ‌చ్చే సువాస‌న మనిషి మూడ్‌ను మెరుగు ప‌రుస్తుంద‌ని ఒహియో స్టేట్ యూనివ‌ర్శిటీ ప‌రిశోధ‌న‌ల‌లో వెల్ల‌డైంది. అలాగే మెద‌డు లో మ‌నిషి మూడ్‌ను, ప్ర‌వ‌ర్త‌ను స‌రైన దిశ‌లోకి తీసుకొచ్చే నొరిపిన్ ఫ్రిన్ అనే ర‌సాయ‌నం ప‌రిమాణం పెరుగు తుంద‌ని తెలిపారు. ఎవ‌రికైనా వికారంగా ఉన్న‌ప్పుడు నిమ్మ‌కాయ వాస‌న చూడ‌మ‌ని పెద్ద‌వాళ్ళు చెబు తుంటారు. దాని వాస‌న చూస్తే వికారం త‌గ్గి మామూలు స్థితికి వ‌స్తారు.

మ‌నీ ప్లాంట్ : 

గ‌ది లోప‌ల ఓజోన్ ప‌రిమాణాన్ని మ‌నీ ప్లాంట్ (Money Plant) తీగ‌వాస‌న త‌గ్గి స్తుంద‌ని, ఓజోన్ (ప్రాణ వాయువు ఘనీభూత రూపం) త‌క్కువ ప‌రిమాణంలో ఉన్న‌ప్ప‌టికీ ఛాతీనొప్పి, గొంతులో ఇబ్బంది వంటివి ఉంటాయ‌ని ప‌రిశోధ‌కులు తెలిపారు.

గార్డీనియా :

మ‌నోవ్యాకుల‌త‌ను తొలగించే గుణం ఈ మొక్క నుంచి వెలువ‌డే వాస‌న‌కు ఉంది. ఇది ఇరువై అయిదు సంవ‌త్స‌రాలుగా జీవిస్తుంది. ఈ మొక్క‌పూల‌ను వాస‌న‌చూస్తే మాన‌సిక ఉల్లాసం క‌లుగు తుంద‌ని శాస్త్ర‌వేత్త‌లు వెల‌ల్డించారు. ర‌ట్జ‌ర్స్ యూనివ‌ర్శిటీ శాస్త్ర‌వేత్త‌లు ప‌రిశోధ‌కులు జ‌రిపారు.