ayurveda for face glow : మెరిసే చ‌ర్మం కోసం ఆయుర్వేద చిట్కాలు

ayurveda for face glow : మంచి అవ‌య‌వ సంప‌ద‌తో, తీర్చిదిద్దిన ముఖ‌క‌వ‌ళికల‌తో ఉన్న అంద‌ మైన అమ్మాయికి మెరిసే చ‌ర్మం తోడేఐతే అది అద్భుత సౌంద‌ర్య‌మ‌వుతుంది.

ఆది నుంచీ ఆధునిక కాలందాకా స్త్రీ సౌంద‌ర్య సాధ‌న కోసం త‌పిస్తూనే ఉంది. చిన్న‌ప్పుడు ఛాయ త‌క్కువ‌గా ఉంద‌నో, స‌రిగ్గా పెర‌గ‌టం లేద‌నో, అవ‌య‌వాలు అమ‌రిక‌గా లేవ‌నో, ముఖం న‌లిగి న‌ట్లుంద‌నో ప్ర‌తి వాళ్లు బాధ‌ ప‌డుతుంటారు.

అంద‌మైన వాళ్ల‌కంటే వాళ్ల శ‌రీర‌పు రంగు, ఛాయ ముఖ్యం కాదు. చ‌క్క‌టి శ‌రీరం ఉన్న అంద‌మైన వాళ్లు చాలా మంది చామ‌న ఛాయ‌లోనే ఉన్నారు. తెల్ల‌గా ఉండి ఆక‌ర్ష‌ణీయంగా ఉండ‌ని ఎంతో మంది ఉన్నారు. అయినా చ‌ర్మ సౌందర్యం ఒక మ‌నిషి ఆక‌ర్ష‌ణీయ త‌న గుర్తు. 

ఒక వ్య‌క్తి వికాసానికి, గుర్తింపుకు అంద‌మైన శ‌రీరం ఒక అద‌న‌పు సోపానం. బాగా న‌ల్ల‌గా ఉన్న‌వాళ్లు ఆత్మ‌న్యూన‌తా భావంతో బాధ‌ప‌డుతూ ఉంటారు. అంద‌రూ త‌మ‌ని త‌క్కువ‌గా చూస్తున్నార‌ని భావిస్తుంటారు.

కాని వాళ్లు త‌మ చ‌ర్మం ఆక‌ర్ష‌ణీయంగా ఉంచుకొని త‌మ ముఖాన్ని మ‌రింత అందంగా చేసుకొని చ‌క్క‌గా ఉండ‌వ‌చ్చు. న‌ల్ల‌టి రంగుని తెల్ల‌గా మార్చ‌లేక‌పోవ‌చ్చు గాని ఆక‌ర్ష‌ణీయంగా మెరిసే చ‌ర్మా న్ని చిన్న చిన్న ప్ర‌య‌త్నాల‌తో తెచ్చుకోవ‌చ్చు. స‌హ‌జ‌మైన వేప‌, ప‌సుపు, గంధం వంటి వాటి తో మీ అందాన్ని పెంచుకొని ఆక‌ర్ష‌ణీయంగా చేసుకోవ‌చ్చు. ఎన‌భై సంవ‌త్స‌రాలు వ‌చ్చిన ఎలిజిబెత్ రాణి ఇప్ప‌టికీ ఆక‌ర్ష‌ణీయంగానే ఉంటుంది. 

ayurveda for face glow: మెరిసే చ‌ర్మం కోసం భిన్న‌మైన చికిత్స‌

మ‌న చ‌ర్మం, మ‌న ముఖం మ‌న ప్ర‌కృతిని, ప్ర‌వృత్తిని చూపించే అద్దం లాంటిది. మ‌న చ‌ర్మం బ‌య‌ట వాతావ‌ర‌ణానికి, దుమ్ము ధూళికి ఆల‌వాల‌మై కొంత న‌ల్ల‌బ‌డుతుంది. మ‌న సంతోషం, దుఃఖం, ఒత్తిడి, మ‌నోవ్య‌ధ అన్నీ మ‌న చ‌ర్మం, ముఖం సూచిస్తుంటాయి. మీరు మంచి ఆలోచ‌న‌ ల‌తో, మంచి ఆహరంతో, మంచి న‌డ‌వ‌డిక‌తో ప్ర‌స‌న్నంగా ఉండేందుకు ప్ర‌య‌త్నిస్తే చ‌ర్మం దాని సౌంద‌ర్యానికి కార‌ణ‌మైన ర‌క్తం చ‌క్క‌గా ఉండి ఎప్పుడూ ఆక‌ర్ష‌ణీయంగా ఉంచుతుంది. 

మ‌నం రోజూ చేసే సౌంద‌ర్య సాధ‌నాలు, ఆధునిక సౌంద‌ర్య నిపుణులు చేసే చికిత్స‌ల కంటే ప్ర‌త్యేక‌మైనవి ఆయుర్వేద చికిత్స‌లు, క్రీములు, పౌడ‌ర్లు, మ‌సాజ్‌లు, స్టీములు వంటివి మాత్ర‌మే కాకుండా హైడ్రోథెర‌పీ, ఆర్మోథెర‌పీ వంటివి కూడా ఉన్నాయి. 

ఆయుర్వేదంలో ముఖ సౌంద‌ర్య‌మే కాక పూర్తి శ‌రీర పోష‌ణ‌కి చ‌ర్మంతో ప్ర‌తీ అణువు ఆక‌ర్ష‌ణీయంగా ఉండేందుకు వ్య‌క్తి స‌హ‌జ ప్ర‌కృతిని అనుస‌రించి, ఆమె లేక అత‌డు ఉన్న ప్ర‌స్తుత శారీర‌క‌, మాన‌సిక స్థితిని బ‌ట్టి శుభ్ర‌ప‌ర్చ‌డం, పోషించ‌డం, శ‌రీరానికి ప్ర‌కృతికి అనుసంధానం చేయ‌డం జ‌రుగుతుంది. 

అంటే మీరు న‌లిగిన‌ట్టు క‌నిపించ‌డానికి, రోజురోజుకీ న‌లుపు తేరుతున్న‌ట్టు అనిపించ‌డ‌మో, మీ శ‌రీరంలో గ్రంథులు, జీవ క‌ణాలు ఉన్న స్థితి మాన‌సిక ఉద్వేగం, ఆశ‌, నిరాశ‌లు, ఆలోచ‌న‌లు, దుఃఖం వంటి వాటివ‌ల్ల ప్రభావిత‌మ‌వుతుంది. చ‌క్క‌టి ఆయుర్వేద వైద్యుడు మీ ముఖం, కంటి కింద ముడ‌త‌లు, చూపు, ఛాయ‌, పెదిమ‌ల రంగుతో మీ వ్యాధిని, మీ మాన‌సిక స్థితిని గుర్తించ‌ గ‌లుగుతారు. 

ఆయుర్వేద వైద్య‌రిత్యీ పిత్త‌మ‌నే శ‌క్తిలో వ‌చ్చే మార్పులు చ‌ర్మం త‌న‌ ఛాయ‌ను, ఆక‌ర్ష‌ణ‌ను పోగొట్టు కోవ‌డానికి కార‌ణం. అందులో ర‌క్తం, జీవ‌క‌ణాల్లో వ‌చ్చే మార్పు. మ‌న‌స్సు ప్ర‌శాంతంగా, ఆశ‌తో కూడిన ఆలోచ‌న‌ల‌తో శ‌రీరాన్ని శుభ్రంగా ఉంచుకోవ‌డం వ‌ల్ల అందంగా ఉంటారు. 

మెరిసే చ‌ర్మం కోసం ముఖ్య‌మైన సూచ‌న‌లు

పోష‌క‌త్వం క‌లిగిన పాలు, క్యారెట్‌, బీట్‌రూట్‌, ఆకు కూర‌లు, చిక్కుళ్లు తినండి, వేప‌, చంద‌నం, రోజా పువ్వు క‌లిసిన మంచి స‌బ్బుల‌ని వాడండి. వారానికి ఒక‌సారైనా నువ్వుల నూనె కాని, బాల‌శ్వ‌గంథ తైలం కాని వంటివి మ‌ర్ద‌న చేసుకొని పెస‌ర‌పొడి, గంధం పొడి, ప‌సుపు, వేప చూర్ణం క‌లిపిన పిండిని నీళ్ల‌తో త‌డిపి న‌లుగు పెట్టుకుని స్నానం చేయండి. 

త‌లంటుకునే ముందు మందార తైలం కాని, బృంగా ముల‌క తైలం కాని త‌ల‌కి మ‌ర్ధ‌న చేసుకుని ముఖానికి రాసుకుని అర‌గంట త‌ర్వాత న‌లుగు పెట్టుకొని మంచినీటితో స్నానం చేయండి.

ఎప్పుడూ మేక‌ప్ వేసుకొని నిద్ర‌పోకండి. ఇంటికి చేరిన త‌ర్వాత ముఖం క‌డుక్కొని వెన్న‌కాని, నువ్వుల నూనె కాని మంచినీటితో స్నానం చేయండి. ఎప్పుడూ మేక‌ప్ వేసుకొని నిద్ర‌పోకండి. ఇంటికి చేరిన త‌ర్వాత ముఖం క‌డుక్కొని వెన్న‌కాని, నువ్వుల నూనె కాని కొంచె రాసుకుని ప‌డు కోండి. సాధ్య‌మైనంత వ‌ర‌కూ మేక‌ప్ ఎక్కువ‌గా చేసుకోకండి. లేక‌పోతే ముఖ చ‌ర్మంలో తైల‌పొర (ayurveda for face glow) ఏర్ప‌డి ముఖం పాడైపోతుంది.

ప‌ళ్ల‌గుజ్జు ముఖానికి రాసుకుని మ‌సాజ్ చేసుకోవ‌డం వ‌ల్ల కాంతి పెరుగుతుంది. బొప్పాయి, పుచ్ఛ‌కాయ‌, పసుపు, చంద‌నాల మిశ్ర‌మంతో క‌లిసి రాసుకుంటుంటే ముఖ‌వ‌ర్చ‌స్సు పెరుగు తుంది. గోరువెచ్చ‌ని పాల‌ల్లో దూది ముంచి ముఖానికి రాసుకుంటే చ‌ర్మంలో ఉండే మ‌లిన‌ ప‌దార్థాలు పోతాయి.

ప్ర‌తిరోజూ రాత్రి ప‌రుండే ముందు పుచ్చ‌కాయ గుజ్జు కాని ర‌సంకాని, నిమ్మ‌ ర‌సం, రోజ్‌వాట‌ర్ స‌మ‌పాళ్ల‌లో క‌లిసి రాసుకుని ఉద‌యం గోరువెచ్చ‌ని నీళ్ల‌తో క‌డుగతుంటే ముఖం అందంగా ఉంటుంది. పాలు, వెన్న‌, చిక్క‌ని మ‌జ్జిగ తీసుకోవ‌డం వ‌ల్ల ర‌క్తం శుభ్ర‌ప‌డి ముఖసౌంద‌ర్యం మెర‌గువుతంది.

స్నానానికి ముందు నిమ్మ‌ర‌సం, తేనె స‌మ‌పాళ్ల‌లో క‌లిపి ఒంటికంత‌కీ తేలిగ్గా రాసుకుని ప‌దిహేను నిముషాల తర్వాత చ‌క్క‌గా వేడినీళ్ల‌లో స్నానం చేయండి. మీ శ‌రీరం స‌రికొత్త‌గా క‌న్పిస్తుంది. సెన‌గ‌పిండి రెండు చెమ్చాల పాల‌తో క‌లిపి కొంచెం నిమ్మ‌ర‌సం కూడా క‌లిసి మెడ‌కి, గొంతుక‌కి ముఖానికి రాసుకుని ప‌దిహేను నిమిషాల త‌ర్వాత చ‌ల్ల‌టి నీళ్ల‌తో క‌డుక్కోండి. ఇలా ప‌దిహేను రోజులు చేస్తే చాలా (ayurveda for face glow) మార్పు క‌నిపిస్తుంది.