Ayurveda for Acne : గ‌డ్డ‌లు మొటిమ‌లు సైతం ఆయుర్వేదంతో నివార‌ణ‌

Ayurveda for Acne : స్త్రీ త‌న శ‌రీరాకృతిని, మ‌నోవ్యాప‌ కాల‌ని బ‌ట్టి నాలుగు విధాలుగా ఉంటుంది. అందులో స‌న్న‌ని న‌డుం,విక‌సించిన మొగ్గ‌లాంటి పొడువైన ముఖం మ‌ధ్య‌లో విశాలంగా ఉండే క‌ళ్ళు ప‌ద్మినీజాతి స్త్రీ ల‌క్ష‌ణం. 

Photo Credits:freepik

జీన్సు వేసుకుని ఏవేవో మేక‌ప్పులు వేసుకుంటున్న ఈ త‌రం ఆడపిల్ల‌ల‌కి తెలీదుకాని త‌న శ‌రీరం, ముఖం అందంగా, ఆక‌ర్ష‌ణీయంగా ఉంచుకోవ‌డం, అందు కోసం త‌పించ‌డం అనాది నుంచీ ఉన్న‌దే.

వేద‌కాలంలోను, గ్రీకు నాగ‌రిక‌త‌లోను, భార‌త ఇతిహాస కాలంలోనూ ఈ Cosmetics విపులంగా చ‌ర్చించ‌బ‌డ్డాయి. అస‌లు ఈ న‌ల్ల‌ని మొటిమ‌లులాంటివి ఏమిటి? ఇవి యుక్త‌ వ‌య‌సులోనూ, కౌమారంలోనూ హార్మోన్ల హెచ్చుత‌గ్గుల స‌మ‌యంలోనూ వ‌చ్చే మొటిమ‌ల‌ (Pimple)లో ఒక ర‌కం. వీటిని Comedone అంటారు. 

ఇవి ప‌చ్చ‌గా ఉండీ పూర్తి మొటిమ‌ల‌కు ముందు సూచ‌న‌లాంటివి. చీము, నీరు చేర‌క‌ముందు స్థితి. ఇవి ముదిరితే చీముతో, నొప్పితో కూడిన మొటిమ‌లుగా మార‌తాయి. చ‌ర్మంపై హార్మోన్ల ఒత్తిడివ‌ల్ల తైల‌గ్రంథులు లేదా Sebaceous glands ఒత్తిడికి లోనై ఎక్కువ స్ర‌విస్తాయి. 

అవి చిన్న చిన్న మొటిమ‌లుగా త‌యార‌వుతాయి. అత్యాధునికంగా ఎక్కువ‌గా చేసుకునే మేక‌ప్ వ‌ల్ల కూడా ఈ ఒత్తిడి పెర‌గ‌వ‌చ్చు. ముఖ్యంగా స్నిగ్థంగా ఉండే శ‌రీరత‌త్వం క‌లిగిన‌వాళ్ల‌లో ఇది తొంద‌ర‌గా వ‌స్తుంది. 

Ayurveda for Acne : మొటిమ‌లు ఎన్ని ర‌కాలుగా  ప్ర‌భావితం చూపుతాయి?

వివిధ ప‌రిమాణాల్లో మొహంపైన‌, మెడ‌మీద‌, గ‌డ్డం ద‌గ్గ‌ర టీనేజ్ పిల్ల‌ల్లో మొటిమ‌లులాంటి ఎర్ర‌ని పొక్కులు రావ‌డం, దుర‌ద‌, మంట‌, కొంచెం నొప్పి రావ‌డం జ‌రుగుతుంది. ఏవేవో మందుల వ‌ల్ల ఇవి త‌గ్గాక న‌ల్ల‌ని మ‌చ్చ‌లు ఏర్ప‌డ‌తాయి. వీటిని వైద్య‌ప‌రిభాష‌లో యాక్నీ వ‌ల్గారిస్ (Acne Volgaris) అంటారు. సాధార‌ణంగా ఇరువైఏళ్లు వ‌చ్చాక ఇవి త‌గ్గిపోతాయి. 

కాని కొంత‌మందిలో చాలా కాలం ఉండి బాధ పెడ‌తాయి. టీనేజ్‌లో యాండ్రాజిన్  అనే హార్మోన్ల స్థాయి పెర‌గ‌టం వ‌ల్ల ఈ యాక్నీ స‌మ‌స్య వ‌స్తుంది. కొంత‌మందిలో త‌ల్లి దండ్రుల వ‌ల్ల వ‌చ్చే జ‌న్యుప్ర‌భావం వ‌ల్ల కూడా వ‌స్తుంది. మ‌నం అనుకున్న‌ట్టు ఈ మొటిమ‌లు నూనె ఎక్కువగా ఉన్న శ‌రీర‌త‌త్వం వాళ్ళ‌లో ఎక్క‌వ వ‌స్తాయి.

ఆడ‌పిల్ల‌లో తొలి ఋతుస్రావం ఆరంభ‌మైన‌ప్పుడు ఇది వ‌చ్చి పెరుగుతూ ఉంటుంది. అబ్బాయిల్లో 16, 20 సంవ‌త్స‌రాల మ‌ధ్య ఇది ఆరంభ‌మ‌వుతుంది. ఈ వ‌య‌సులో హార్మోనుల‌లో వ‌చ్చే హెచ్చుత‌గ్గులు ముఖ్యంగా DHT అనే హార్మోను ప్ర‌భావంవ‌ల్ల ఇది జ‌రుగుతుంది.

ఎందుకంటే ఈ హార్మోనే చ‌ర్మంపై నున్న నూనె గ్రంథుల‌ను ఉత్తేజ‌ప‌ర‌చి ఈ మొటిమ‌లు, పొక్కుల‌కి కార‌ణ‌మ‌వుతుంది. ప్ర‌తిరోజూ మ‌న చ‌ర్మాన్నిశుభ్రంగా రుద్దుకొని స్నానం చేయ‌క‌పోవ‌డం వ‌ల్ల మ‌రీ పెరుగుతాయి.అలాగే రోజూ ప్ర‌క‌ట‌న‌ల రూపంగా వ‌చ్చే ర‌క‌ర‌కాల ర‌సాయ‌ నిక స‌బ్బులు, పౌడ‌ర్లు మార్చి మార్చి వాడ‌టం వ‌ల్ల కూడా ఈ పొక్కులు తొంద‌ర‌గా పెరుగుతాయి.

వీటి వ‌ల్ల చ‌ర్మం (skin) లోని చిన్న చిన్న క‌ణాలు శైథిల్యం చెంది అవి నూనె గ్రంథుల‌లోకి చొచ్చుకొని ఈ మొటిమ‌లు రావ‌డానికి కార‌ణ‌మ‌వుతాయి. Moisturizers, Foundations వంటివి ఎక్కువ‌గా వాడ‌టం వ‌ల్ల కూడా ఈ స్థితి వ‌స్తుంది. ముఖాన్ని, చ‌ర్మాన్ని ఎక్కువ‌గా వేళ్ల‌తో కాని చేతితో కాని రుద్ధ‌కండి.

దానివ‌ల్ల చ‌ర్మంపు ఉప‌రిత‌లం చెడి పాడ‌వుతుంది. ప్ర‌తిరోజూ మ‌నం చేసుకునే శుభ్ర‌త చాలు మ‌న చ‌ర్మం, ముఖం అందంగా ఉండటానికి మామూలుగా మ‌న కంటికి ఆరంభ‌ద‌శ‌లో ఈ న‌ల్ల మొటిమ‌లు, క‌ళ్ల కింద న‌ల్ల‌టి చార‌లు (Black stripes) క‌నిపించ‌వు.

అది అధిక మేక‌ప్‌తోటి స‌రిగ్గా క‌డుక్కోక‌పోవ‌డం వ‌ల్ల అస‌లు గుర్తించ‌లేం. చ‌ర్మం పొడిగా ఉంచుకోకూడ‌దు. అలాగ‌ని మ‌రీ స్నిగ్ధంగా నూనె కారుతూ ఉంచుకోకూడ‌దు. అందుకే వారానికి ఒక‌సారి నువ్వుల నూనె రాసు కొని ప‌సుపుతో న‌లుగుపెట్టుకొని వేడినీళ్ల‌తో ముఖం క‌డుక్కోవ‌డం మంచిది. 

మొటిమ‌ల‌కు చికిత్స‌ ఇలా ఉంటుంది

కంటికింద చార‌లు రాకుండా ఉండాలంటే మీ ముఖం ఆక‌ర్ష‌ణీయంగా ఉండాలంటే మ‌న‌స్సుని ప్ర‌శాంతంగా ఉంచుకోండి. మంచి ఆలోచ‌న‌ల‌తో, ఆశావ‌హ‌మైన భావ‌న‌ల‌తో ఉండే ర‌క్త ప్ర‌స‌ర‌ణ బాగుండి, మీ ముఖం ప్ర‌కాశ‌వంతంగా ఉంటుంది. ఆయుర్వేదం (Ayurveda for Acne)లో రంజిక పిత్తమ‌న‌బ‌డే హార్మోన్ల ప్ర‌భావం వ‌ల్ల ఈ స్థితి వ‌స్తుంది.

తెల్ల‌నువ్వులు, పాత‌బెల్లం క‌లిపి ఉండ‌లు చేసుకుని ఆడ‌పిల్ల‌లు ఉద‌యం, సాయంత్రం తింటే ఈ హార్మోన్లు స‌హ‌జంగానే స‌మ‌స్థితికి చేర‌తాయి. మ‌గ‌పిల్ల‌లు మిన‌ప‌సున్ని వుండ‌లు రాత్రిపూట తిన‌డం మంచిది.

గిన్నెలో నీళ్లు మ‌స‌ల‌పెట్టి ఆవిరి ముఖానికి ప‌ట్ట‌డం హిత‌క‌రం. ఈ ఆవిరి 8-10 నిమిషాలు ప‌డితే చాలు. వేప‌పూలు చూర్ణించిన ముద్ద‌లో కొంచెం ప‌సుపు, వెన్న‌పూస క‌లిపి పొక్కుల‌పై రాసి గంట త‌రువాత క‌డిగి వేయండి. 

మంచి ఫ‌లితం ఉంటుంది. కాక‌ర‌కాయ‌ని మ‌ధ్య‌లో చీల్చి, చీల్చిన తెల్ల‌ని భాగంతో చ‌ర్మంపై సున్నితంగా రుద్దితే మంచి ఫ‌లితం ఉంటుంది. పోక చెక్క నీళ్ల‌తో గంథం తీసి ముఖానికి ప‌ట్టించి మూడు గంట‌ల త‌ర్వాత క‌డిగేసుకోవాలి.

ఉసిరిక వ‌లుపు, త‌మ‌ల‌పాకుపై రాసుకునే కాచు క‌లిపి దానిలో బాదంపాలు క‌లిపి చూర్ణం చేసి పావు చెమ్చా చొప్పున తీసుకుంటే తెల్ల‌ని మ‌చ్చ‌లు పోతాయి. పాలు (milk) మీగ‌డ‌లో ప‌సుపు, పొట్ల‌కాయ పై పొట్టు, నువ్వులు క‌లిపి ముఖానికి రాసుకుంటే అన్ని మొటిమ‌లు పోయి ముఖ అందంగా త‌యార‌వుతుంది.